De premios

O noso Centro foi premiado pola Consellería de Educación no VIII Concurso de Traballos por Proxectos, polo noso proxecto FORMU-LAND, realiazado pola toda esta rapazada no curso anterior.

Este concurso busca estimular, mediante o recoñecemento de boas prácticas, o deseño e desenvolvemento de proxectos de carácter interdisciplinario ou de proxectos de investigación, baixo a coordinación da biblioteca ou co apoio desta, na liña da metodoloxía de aprendizaxe baseada en proxectos (ABP)

FORMU -LAND- 22

 Si hai algo que todo o profesorado ten claro é que os espectáculos de masas e os seus heroes atraen ao noso alumnado como a luz ás polillas: a percura da fama, a admiración cara os deportistas, os seus logros, lesións, vida privada, ganancias… son comentados e convértense en trending topics. 

Porén, a admiración cara os heroes, as súas fazañas deportivas, non son novidosas. Ao longo da historia as xestas deportivas foron cantadas en poemas, fundidas en bronces, representadas  en mosaicos e pinturas. Tomemos como exemplo a Antiga Roma. As carreiras no circo e todo o espectáculo arredor (comida, publicidade, merchandising), os seus equipos (vermello, verde, branco, azul) e os aurigas eran venerados como na actualidade os xogadores de fútbol ou os pilotos de Fórmula 1. 

Tendo isto en conta, o Equipo de Biblioteca concebiu un proxecto que, partindo da admiración que os rapaces sinten por Fernando Alonso e cos grandes premios de F1 como fío condutor, servise para que o noso alumnado fixese a súa propia carreira turística indo dun circuíto a outro, dun país a outro. Pretendíase que este traballo servise para interrelacionar os coñecementos do curriculo de 1º da ESO: Xeografía e Historia (Economía, Política, Climas…), CCNN e Lingua, co xogo lúdico de deseñar a súa propia Guía de Viaxes, usando as TIC e a BE como fontes de información e presentación.

Ademais, co desexo de que o continente africano tamén estivera representado no proxecto, decidimos ampliar o mesmo co Rally Budapest-Bamako, que se interna no borde occidental do territorio pero só na parte africana do mesmo. En definitiva, tentamos que esta investigación se conformase como unha carreira polo saber e o coñecemento

Coidadoras de vida

     Nun tempo de pandemia como o que estamos a vivir, toma especial relevancia o coidado da saúde. Desde a BE, conscientes de que o papel do coidade (no fogar, na sanidade, na sociedade en xeral) recae habitualmente nas mulleres,  quixemos investigar, co alumnado de DOC e de ITI, quen son e foron as COIDADORAS DE VIDA: deusas protectoras, sanadoras, curandeiras, enfermeiras, médicas… e a súa posible representación e testemuña na arte e na literatura ao longo da historia. Preme na imaxe para acceder.

Eponimia feminina

    Durante este curso, o alumnado de 1º da ESO, participou na primeira convocatoria do Club de Letras. O tema escollido  para este curso  foi a igualdade ( (contribución desde un punto de vista literario, artístico, filosófico ou histórico a cuestións relacionadas coa visibilización das mulleres, do seu rol na sociedade e/ou representación das mulleres ao longo da historia). Pois ben, decisiuse  que o alumando investigase sobre os nomes de muller (eponimia) que deixaron a súa pegada na Historia. 

Podedes coñecelas premendo  na imaxe. 

Noraboa a todo o alumnado de 1º polo magnífico traballo!

Cuestión de cifras

Traballo de documentación sobre a situación das mulleres en diferentes ámbitos, feito polo alumnado de 2º de BAC para conmemorar o Día da muller.

VI Concurso de Traballos por Proxectos

O noso Centro ven de ser dobremente premiado neste concurso que busca estimular, mediante o recoñecemento de boas prácticas, o deseño e desenvolvemento de proxectos de carácter interdisciplinario ou de proxectos de investigación, baixo a coordinación da biblioteca ou co apoio desta, na liña da metodoloxía de aprendizaxe baseada en proxectos (ABP).

       Grazas ao alumnado do segundo ciclo da ESO na materia de Cultura Clásica:

O Xardín das Hespérides

e ao de 1º de Bac, na materia de Historia do Mundo Contemporáneo:

(A)rrouparte

 e ao labor do profesorado que os dirixiu Mª América García e Anxos Vidal e Paula Fernández, isto foi posible. Noraboa a todas e todos!

(A)rroupArte

   Por que estudar a historia da vestimenta? A priori pode parecer un tema superficial, pouco adecuado para analizar na aula, insubstancial e falto de seriedade. Porén, valourouse que o seu estudo permitiría ao alumnado de 1º de BAC profundar na evolución histórica das sociedades. E que mellor que aproveitar os recursos estéticos da arte e da literatura, máis próximos a eles e visualmente máis cercanos á súa realidade virtual. (...)

Preme na imaxe para coñecer este Proxecto na súa integridade

O xardín das Hespérides

      Tocáballe xa á materia de Cultura Clásica un monográfico sobre plantas que nos situase dentro do pensamento mítico ancestral en torno ao mundo vexetal, ao seu simbolismo e ás Metamorfosis de seres humanos.

      Os primeiros científicos de Grecia emprenderon unha catalogación do mundo natural, das súas características e propiedades, pero nunca abandoaron por completo o sentimento máxico de misterio, esa unión enigmática que existe no mundo vexetal entre as plantas e as criaturas ligadas a elas, sempre aberto ao inesperado, ao fabuloso e ao quimérico tamén.

      Os mitos gregos teñen cargado de simbolismos a cultura occidental. A natureza, sempre na base do mito, ten tal carga iconográfica, que xa non pode ser percibida en toda a súa dimensión. A arte e a literatura están colmadas de imaxes míticas, onde cada planta, cada flor, cada árbore ten un significado propio e característico que se escapa da percepción do non iniciado. Outra vez estamos no punto de partida, do mythos ao logos de nuevo, do relato á explicación. O maravilloso, o imprevisible e o monstruoso tamén teñen cabida no mundo natural e, polo tanto, no mito. Nas mans do noso alumnado do Segundo Ciclo da ESO estivo o poder de descubrilo.

Contra vento e marea: Mulleres en loita

    A mellor protección que calquera muller pode ter é a coraxe

(Elizabeth Cady Stanton) 

 Setenta anos despois da Declaración Universal dos Dereitos Humanos, as mulleres estamos a ser a avanzadilla da loita pola non discriminación e a lexitimidade que teñen todas as persoas a ser iguais en dignidade e dereitos. Saímos ás rúas, facémonos oír, reivindicamos por aquelas que o teñen prohibido, denunciamos as inxustizas si, pero sempre estamos a conxugar os verbos en presente.

     Habería que preguntarse entón que sería de nosoutras sen as que nos precederon: mulleres sen voz, sen lei, sen partido, sen organizacións, sen redes… A súa loita foi encarnizada e descomunal, porque estaban soas e con todo en contra. Por iso elas son o noso referente, a elas debémoslles o futuro.

    Raíñas, guerreiras, Premios Nobel, artistas, heroínas, a Historia está preñada delas. Mulleres que nunca se rendiron, que pagaron en ocasións coa súa vida por un ideal ou por intentar mellorar o mundo…e que foron esquecidas ou afastadas.

     Por iso dende o IES Xoán Montes reclamamos os seus nomes en MAIÚSCULA. Por todos os nosos alumnos para que as coñezan, e por todas as nosas alumnas para que xamais as esquezan.

Día internacional da Muller e da Nena na Ciencia

     A Asemblea Xeral das Nacións Unidas proclamou, no ano 2015, o 11 de febreiro como Día Internacional da Muller e a Nena na Ciencia. A iniciativa xurdiu como unha ferramenta para animar ás mulleres para entrar en carreiras científicas e tecnolóxicas, visibilizar a contribución das mulleres nestes ámbitos e crear referentes para as novas xeracións.

    En España, desde fai uns tres anos, un grupo de científicas e investigadoras agrupadas baixo a etiqueta do #11 F lanzou un chamamento para que as actividades cheguen a cada vez máis persoas. De aquí a nosa pequena contribución para conmemorar este día, DE PRIMEIRA(-S), mulleres que foron pioneiras no campo da Ciencia e que forma parte do Proxecto documental realizado polo alumando de 1º da ESO o curso pasado.

CIENTÍFICAS

INVENTORAS

V Concurso de traballos por proxectos

    Un novo premio súmase ás paredes da biblioteca do IES Xoán Montes e ao alumnado que esta a cursar este ano 2º da ESO.  De primeira(-s) é  a rapazada e a coordinadora - Anxos Vidal- que con tanto tesón e esforzo traballaron  para dar a coñecer a 100 mulleres - poderían ser moitas máis- que foron pioneiras en diferentes campos. Eles e nós estamos encantadas por este recoñecemento ao labor realizado durante o curso 2017/18.

NORABOA!

De Mil/MAl amores, in memoriam

"No las ves que están agotadas, que no se tienen en pie, que son ellas las que sostienen cualquier ciudad, todas las ciudades. Con el matrimonio, con la maternidad, con la viudedad, con los golpes,

ellas cargan con este mundo, con este sábado por la noche donde ríen un  poco frente a un vaso de vino blanco y unas olivas. Cargan con maridos infumables, con novios intratables, con padres en coma, con hijos suspendidos.

Fuman más que los hombres. Tienen cánceres de pulmón, enferman, y tienen que estar guapas. Se ponen cremas. Son una tiranía las cremas. Perfumes y medias y bragas finas y peinados y maquillajes y zapatos que torturan. Pero envejecen. No dejan las mujeres tras de sí nada, hijos, como mucho, hijos que no se acuerdan de sus madres. Nadie se acuerda de las mujeres. La verdad es que no sabemos nada de ellas.

 Las veo a veces en las calles, en las tiendas, sonriendo. Esperan a sus hijos a la salida del colegio. Trabajan en todas partes. Amas de casa encerradas en cocinas que dan a patios de luces. Sonríen las mujeres, como si la vida fuese buena. En muchos países las lapidan. En otros, las violan. En el nuestro las maltratan hasta morir.

Cronoloxía

Trabajan fuera de casa , y trabajan en casa, y trabajan en las pescaderías o en las fábricas o en las panaderías o en los bares o en los bingos. No sabemos en qué piensan cuando mueren a manos de los hombres"  ( Manuel Vilas, "Mujeres", Poesía completa, Visor, p. 191)

    As imaxes forman parte do produto final do traballo feito polo alumnado de 2º de BAC sobre a cronoloxía do femicidio en España neste último ano.

Construción, Instrución, Destrución

   

  As bibliotecas teñen vida propia, como un ser vivo: nacen, medran e por desgracia, morren. Así pois, o seu periplo vital pode ser explicado co verbo struo, que en latín significa tramar e maquinar, pero sobre todo construír e reunir ordenadamente. As bibliotecas foron construídas e destruídas por igual a través dos séculos. Quizais porque a súa única intención era a instrución das mentes e as almas, sen afán de lucro nin loitas de poder. CONSTRUCIÓN, INSTRUCIÓN, DESTRUCIÓN.

As bibliotecas no punto de mira sempre.

De primeira(-s)

Todas (e todos) hoxe sabedes ler, escribir, realizar operacións matemáticas, ter unha conta a voso nome, manexar un ordenador ou un móbil? Pero todo isto era impensable hai moitas décadas para as mulleres, e mesmo, para moitas mozas ha día de hoxe é un soño inalcanzable.

O feito de que moitas de vós poidades estudar en igualdade cos mozos forma parte da historia da muller. As mulleres occidentais alcanzamos metas incribles hai uns anos, aínda que a situación noutros países do mundo sexa tremenda: a ablación feminina, a limitación do nacemento de nenas a favor dos nenos,  a submisión da muller baixo os burkas e, sen ir tan lonxe no espazo, os casos de violencia de xénero que alagan os informativos en todos os países.

E se non, preguntádevos por que a estas alturas se celebra o Día internacional da Muller?

Por iso, o noso obxectivo foi  visibilizar a aquelas mulleres que foron as primeiras en lograr ou conseguir, nos diferentes campos,  algo.  Trátase de dar luz, de pór o foco nelas, para que as coñezades e coñézanas. De aquí o título: DE PRIMEIRA(-S), que quere dicir, "sobresaliente na súa liña". Foron 100 as escollidas, pero poderían ser moitas máis!

Esta exposición forma parte do proxecto documental que se está a realizar co alumnado de 1º de ESO- quen recabaron estes datos que agora vedes- na materia de Tratamento de información e Investigación. En breve, podederes velas moito máis de cerca.

Galiciencia 2017

Como xa sabedes GALICIENCIA é unha feira científica que se celebra, desde 2007, en Ourense, os días 22, 23 y 24.

Pois ben, este ano as nosas docunautas están alí para expoñer o noso proxecto interdisplinar que se realizou, durante o curso pasado, polo alumnado desde 1º da ESO ata 2º de BAC.

Preme na imaxe

 Alí están Ana e Antía,   e cóntannos que están encantadas e marabilladas do que alí acontece.

 Nós estamos encantadas e orgullosas do traballo feito e e animámosvos a seguir investigando. Noraboa, rapaces!

"Máis que imaxes, Proxecto documental

    O noso Proxecto de Investigación  (curso 2016-201/), que implicou ao alumando de todos os niveis -dende 1º da ESO ata 2º BAC- partiu dunha conmemoración: o lanzamento da sonda Voyager en 1977. Nela ía un disco que contiña unha chea de símbolos que representan aos humanos, no hipotético caso de que atopase vida extraterrestre. Pois ben, O SÍMBOLO constituiuse no fío conductor de todos estes traballos que saen a luz. Foron moitos meses de dura investigación, pero cremos que esta "viaxe simbólica" mereceu a pena. Enhoraboa a todos/-as os/-as participantes!
Preme na imaxe e accederás:

Premio no III Concurso do Traballo por Proxectos

... E fíxose a luz en forma de premio ao proxecto

levado a cabo nas aulas de primiero ciclo da ESO.

Foron meses de moito traballo e esforzo tanto por parte da rapazada como da súa coordinadora, Anxos Vidal, e dos profesores - Mery e Veiga- que desde as súas materias fixieron que este proxecto “prendese” e acadase este premio.

Pola nosa parte, só podemos decirvos que sentimos unha inmensa alegría ao enterarnos desta boa nova e que esto nos dá un bo pulo para seguir cara adiante no mesmo senso.
NORABOA a todos os premiados!

"Prender a luz", proxecto documental

O noso Proxecto de Investigación e Tratamento da Información (curso 2015-2016), que implicou a todo o 1º Ciclo da ESO, serviu para conmemorar o Ano Internacional da Luz que se celebrou no ano 2015.

Desde a Biblioteca do IES Xoán Montes quixemos elaborar un proxecto que cubrise tódolos puntos de vista: científicos, artísticos, léxicos e literarios relacionados coa luz, partindo da premisa de que a vida non sería posible sen o sol, fonte, ademais, de calor e iluminación. 

Se premes na imaxe, accederás a todo o que a rapazada fixo en torno a LUZ:

 

Os nosos DOCUNAUTAS en Galiciencia

Como xa sabedes GALICIENCIA é unha feira científica que se celebra desde 2007 en Ourense, os días 18, 19 e 20. 

Pois ben, este ano os nosos Docunautas están ali para expoñer o proxecto interdisplinar que realizou, durante o curso pasado, o alumnado de 1º da ESO. Alí están dous dos seus compoñentes-  Carmen e Jorge- xunto co seu profesor de Tecnoloxía- Gerardo- e cóntannos que están encantados e marabillados do que alí acontece.

 Nós estamos encantadas e orgullosas do traballo feito e e animámosvos a seguir investigando. Noraboa, rapaces!

Docunautas, Poxecto Interdisciplinar:

    Co final de curso chega tamén a finalización do Proxecto Interdisplinar de 1º de ESO, coordinado pola profesora Anxos Vidal. O noso proxecto anual, que se centrou nas expedicións e as persoas que as levaron a cabo, foi concibido como unha viaxe de dobre vía, un periplo a través do tempo e do espazo, onde se intenta que os propios alumnos sexan navegantes nese proceloso mar das redes de información e das fontes de coñecemento. Por iso este proxecto denomínase Docunautas. Foron unas clases intensas, con moito que descubrir, que facer, mais cremos que pagou a pena. 

     Hoxe, parte de ese traballo está exposto no vestíbulo do noso Centro:

e otro proxecto completo podedes atopalo  eiquí, premendo na imaxe: