11 escritoras LIX premiadas

 O Premio Nacional de literatura infantil e xuvenil é un dos Premios Nacionais de Literatura de España que se convoca desde 1978 e que outorga o Ministerio de Cultura para distinguir unha obra de autor español, escrita en calquera das linguas oficiais do Estado e editada en España durante o ano anterior á concesión do premio. 

Pois ben, que mellor maneira que conmemorar este día coñecendo un pouco a estas 11 escritoras -só 11 en todos estes anos- agasalladas con este premio?

15 escritoras con Nobel

Hoxe conmemórase o Día das escritoras, e aproveitando que se están a conceder os Premios Nobel, que mellor que refrescarnos a memoria coas 15 escritoras que acadaron este ilustre premio.

15 escritoras no Día 15

Desde hai uns anos, a Biblioteca Nacional organiza o Día das Escritoras . Este ano o lema é Rebeldes e transgresoras, que celebra a aquelas autoras que romperon as barreiras que lles impoñía a sociedade.

Nós sumámonos a esta efeméride con noso pequeno gran de area: coñece un pouco máis a estas 15 escritoras de Literatura Xuvenil que enchen os nosos andeis e que tanto vos gustan.

Día das escritoras

    A Biblioteca Nacional de España organiza, en colaboración coa Federación Española de Mulleres Directivas, Executivas, Profesionais e Empresarias (FEDEPE) e a Asociación Clásicas e Modernas para a igualdade de xénero na cultura, o Día das Escritoras. Esta nova iniciativa, que nace con vocación de celebrarse anualmente, busca reivindicar o labor e a traxectoria das escritoras tantas veces relegadas a un segundo plano ao longo da historia.

    Nós sumámonos a esta celebración e queremos achegar a nosa pequena homenaxe a un grupo de escritoras de narrativa infantil e xuvenil que fan as delicias dos nosos estudantes a xulgar polo número de veces que se prestan os seus libros. Seguro que eles lembran os títulos das súas obras, pero... coñecen os seus rostros ou a súa biografía?

Aquí deixámosvos unhas pinceladas.