Gran xincana científica

Desde a Consellería de Cultura, Educación, Formación Profesional e Universidades, en colaboración coa Secretaría Xeral de Política Lingüística, vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS. por este motivo, o equipo da biblioteca elaborou esta xincana científica na que poden participar todo o alumando dos tres primeiros cursos da ESO. Tedes que contestar correctamente a todas as preguntas. Gañarán as tres persoas que o fagan ben e no menor tempo posible. Manda as túas respostas ao correo da biblio. Ánimo!

Na procura da científica perdida

Hoxe conmemórase o Día internacional da muller e da nena na Ciencia. Para celebralo podedes participar nesta xincana na que tendes que atopar a esas 20 mulleres, relacionadas coa ciencia e a tecnoloxía. Para isto, é importante que vos fixedes atentamente nas imaxes. Toma notas, faite preguntas, busca as respostas e lembra que queremos saber o seu nome e o seu descubrimento. Cando as teñas, fainos chegar as túas conclusións ao correo da biblio antes do día 20 de febreiro. Posteriormente, daremos a coñecer aos/ás tres gañadores/-as.

 

 

Ciencia por un tubo

"Ninguna ciencia en cuanto a ciencia, engaña; el engaño está en quien no la sabe" (M. de Cervantes)

    Ás veces adoitamos asociar o Día do libro coa literatura de ficción e esquécellenos que hai outro tipo de literatura, a científica, da que, nestes tempos que non está a tocar vivir, estamos tan necesitados. 

Este curso queremos visibilizar este tipo de libros de divulgación científica, que tamén ocupan os nosos andeis , libros que , non sabemos ben por que motivo, atraen a moi poucos lectores. Para isto, no vestíbulo pode verse  ese ADN  construido con 174 cubertas de libros de todas as ciencias puras ou aplicadas. 

Sirva iso como pequena homenaxe a todos eses homes e mulleres que levan a cabo o seu traballo en condicións tan precarias e aos /as que debemos tanto.

Asemade, e coa colaboración das profes de Cultura científica (Belén) e de TIC (Marta), propúxoselles ao seu alumnado que lese algún destes libros e que realizase un  booktráiler para promocionar a súa lectura.

E estes son os finalistas para optar ao premio:

Moitas grazas pola vosa colaboración!

Por que a auga é unha das cousas máis raras do Universo

Alok Jha, xornalista científico autor de "O libro da auga", explica neste vídeo da BBC por que a auga é un elemento tan incriblemente estraño.

Día da muller e das nenas na Ciencia

Hoxe 11 de febreiro é unha xornada na que se recupera o traballo das mulleres na Ciencia. É unha forma de visibilizar o traballo que levaron, levan e levarán as mulleres e tamén é unha forma de acabar con ese cliché de que os rapaces son de ciencias e as rapazas de letras. E para mostra aquí tedes o traballo de investigación que fixo o alumnado de 1º da ESO:

Tamén podedes achegaros a biblio e levar un destes libros que seleccionamos:

De Ciencia

 Desde hai uns anos vense celebrando en novembro o mes da Ciencia en galego. Este ano o Manifiesto fíxoo o profesor, investigador e divulgador científico Xurxo Mariño, do que tomamos estas palabras: 

"A ciencia non é unha cousa escura que só se fai en complexos laboratorios, senón que, por riba de todo, é unha maneira de pensar, unha actitude para chegar ao coñecemento [...]  Pero ademais de facer ciencia, todos podemos gozar do traballo, das achegas e das vidas das científicas e dos científicos mergullándonos nos libros. Cada libro é unha viaxe interestelar á mente doutras persoas, ás súas aventuras, penas e alegrías. Nas nosas bibliotecas podemos gozar sen límite con relatos abraiantes sobre o funcionamento do cerebro, a vida das abellas ou a construción dun aeroplano. Cada libro é unha xoia capaz de alimentar e de estimular a mente. E ademais podemos gozalos na nosa lingua, en galego, porque a ciencia fala todos os idiomas, pode emocionar todas as mentes.[...]" 

E neste contexto no que achegamos a nosa pequena contribución: unha selección de libros que podedes atopar na vosa BE, así como tamén uns vídeos realizados polo alumnado ao longo destes últimos cursos, todo isto sobre esta imaxe interactiva, coa que se publicita este mes da Ciencia en galego.

Muller e Ciencia

     Co fin de lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e as nenas, a Asemblea Xeral das Nacións Unidas decide proclamar o 11 de febreiro como o Día Internacional da Muller e a Nena na Ciencia.

    Velaquí o noso gran de area para conmemorar este día:

E ademais, aquí tendes outros materiais:

Unha sopa de letras

Un xogo de cartas

Adiviña quen son

Un cómic que podedes descargar

Día internacional da Muller e da Nena na Ciencia

     A Asemblea Xeral das Nacións Unidas proclamou, no ano 2015, o 11 de febreiro como Día Internacional da Muller e a Nena na Ciencia. A iniciativa xurdiu como unha ferramenta para animar ás mulleres para entrar en carreiras científicas e tecnolóxicas, visibilizar a contribución das mulleres nestes ámbitos e crear referentes para as novas xeracións.

    En España, desde fai uns tres anos, un grupo de científicas e investigadoras agrupadas baixo a etiqueta do #11 F lanzou un chamamento para que as actividades cheguen a cada vez máis persoas. De aquí a nosa pequena contribución para conmemorar este día, DE PRIMEIRA(-S), mulleres que foron pioneiras no campo da Ciencia e que forma parte do Proxecto documental realizado polo alumando de 1º da ESO o curso pasado.

CIENTÍFICAS

INVENTORAS

Stephen Hawking, pequena homenaxe

Día do número Pi

Este 14 de marzo celébrase o día do número Pi (π), esa cifra de valor 3,14159265358979323846... que é tamén unha constante que indica a relación entre a lonxitude dunha circunferencia e o seu diámetro.

De primeira(-s)

Todas (e todos) hoxe sabedes ler, escribir, realizar operacións matemáticas, ter unha conta a voso nome, manexar un ordenador ou un móbil? Pero todo isto era impensable hai moitas décadas para as mulleres, e mesmo, para moitas mozas ha día de hoxe é un soño inalcanzable.

O feito de que moitas de vós poidades estudar en igualdade cos mozos forma parte da historia da muller. As mulleres occidentais alcanzamos metas incribles hai uns anos, aínda que a situación noutros países do mundo sexa tremenda: a ablación feminina, a limitación do nacemento de nenas a favor dos nenos,  a submisión da muller baixo os burkas e, sen ir tan lonxe no espazo, os casos de violencia de xénero que alagan os informativos en todos os países.

E se non, preguntádevos por que a estas alturas se celebra o Día internacional da Muller?

Por iso, o noso obxectivo foi  visibilizar a aquelas mulleres que foron as primeiras en lograr ou conseguir, nos diferentes campos,  algo.  Trátase de dar luz, de pór o foco nelas, para que as coñezades e coñézanas. De aquí o título: DE PRIMEIRA(-S), que quere dicir, "sobresaliente na súa liña". Foron 100 as escollidas, pero poderían ser moitas máis!

Esta exposición forma parte do proxecto documental que se está a realizar co alumnado de 1º de ESO- quen recabaron estes datos que agora vedes- na materia de Tratamento de información e Investigación. En breve, podederes velas moito máis de cerca.

"Booktráilers" divulgativos IV

"Booktráilers" divulgativos III

Día das Bibliotecas Escolares: Ler ciencia

Desde a Asesoría de Bibliotecas Escolares elixiuse este ano para conmemorar este día esta lema : "Ler ciencia" , co fin de sensibilizarnos sobre a importancia que a lectura de textos de carácter científico e divulgativo, e mesmo de textos literarios que traten este tema.

 

Aquí deixámosvos unha selección dalgúns dos libros que poderedes atopar na biblioteca, así como unha serie de ligazóns de interese para profundar neste campo de forma amena e sinxela.

Os animamos a que vos paseis pola biblioteca e leádelos, porque estamos seguras que ides gozar moito son a súa lectura.

 

 Enlaces de interese: 

Ciencia en todas partes

Seis webs de ciencias para rapaces

Aprende enerxía 

Recreación do sistema solar en 3D 

Atrapados en Electronia 

Enciclopedia virtual dos vertebrados 

Historia das matemáticas