De amor e Entroido

 Ti es máis do amor a primeira liña ou dunha cita a cegas cun...Libro? Estes foron os lemas para celebrar o Día de San Valentín, que sempre crea moita expectación entre a rapazada. 

Cremos que as súas expectativas foron colmadas a xulgar pola boa acollida que tivo durante toda a semana. Ademais, este ano coincidiu co Entroido, e pola biblioteca dexaironse ver algúns personaxes literarios.

Entroido 2018

Xincana de Artroido

Xa temos  aos gañadores da I Xincana de Artroido

Noraboa ás gañadoras¡

e grazas a todos por participar!

Xincana de ARTROIDO

Si, liches ben. Para celebrar o Entroido que mellor que darche un paseo pola ARTE e máis concretamente pola pintura. Infinidade de cadros de todos os tempos teñen como tema esta festa. Así que a nosa proposta é que atopes o nome dos autores, os títulos e os séculos nos que foron pintados, pero...deixámosvos unhas pistas que, ben comprendidas, axudaranvos a atopalos.
Se estás interesado/-a, pásache pola biblioteca a buscar a táboa para que a cubras.
E xa sabes:

Se as pistas segues no Carnaval

das que ben quixeron engaiolarte

e sabes que a vida non é máis que arte,

le, cavila, acerta; non che ha de ir moi mal.

Artroido

Leer más publicaciones en Calaméo

O Entroido na arte

Este ano, a Biblioteca veu sumarse á festividade do Entroido, ofrecendo ao alumnado do Centro unha outra visión desta secular e universal celebración. Así, xurdiu O ARTROIDO a modo de pincelada pictórica ao longo dos diferentes séculos, estilos, países e autores que trataron o tema. Deste xeito, e durante o mes de febreiro, puidéronse admirar obras de artistas (Brueghel, Picasso, Miró, Watteau, Laxeiro...), recreacións plásticas de célebres pasaxes literarias (Batalla de don Carnal), máscaras expresionistas, Carnaval de Venecia..... coa intención de abrir, encher e universalizar, a través da arte, a perspectiva do Entroido. Aquí deixámosvos unha pequena mostra do que puidemos ver: