Bo Nadal

Felices vacacións e BOAS LECTURAS!

Hora de ler

Resultados da  1ª avaliación (2019)

Romances (AD)Versos

25 canciones no Día contra a violencia de xénero

VI Concurso de Traballos por Proxectos

O noso Centro ven de ser dobremente premiado neste concurso que busca estimular, mediante o recoñecemento de boas prácticas, o deseño e desenvolvemento de proxectos de carácter interdisciplinario ou de proxectos de investigación, baixo a coordinación da biblioteca ou co apoio desta, na liña da metodoloxía de aprendizaxe baseada en proxectos (ABP).

       Grazas ao alumnado do segundo ciclo da ESO na materia de Cultura Clásica:

O Xardín das Hespérides

e ao de 1º de Bac, na materia de Historia do Mundo Contemporáneo:

(A)rrouparte

 e ao labor do profesorado que os dirixiu Mª América García e Anxos Vidal e Paula Fernández, isto foi posible. Noraboa a todas e todos!

Fíncalle o dente!

Este foi o lema escolllido para celebrar o Samaín.

Para achegar ao alumnado ao xénero de terror e misterio, moito misterio porque un andel no medio da biblioteca cos libros dados a volta, teas de araña e unha ambientación moi tenebrosa e unhas instrucións que era preciso cumprir, foi o reclamo. O resto xa foi cousa de cada un deles. Como sempre por estas datas, o éxito estivo asegurado.

Pasen, se se atreven e vexan.

    O 24 de outubro celébrase en España, como cada ano, o Día da Biblioteca. Unha iniciativa da Asociación Española de Amigos do Libro infantil e Xuvenil que tivo a súa orixe no ano 1997.

    Desde entón, Amigos do Libro esforzouse en dar a coñecer e recoñecer o labor das bibliotecas, os seus servizos, os seus recursos profesionais e agradecer e recoñecer o labor dos bibliotecarios e as bibliotecarias.

A actual edición céntrase en destacar o labor das bibliotecas na promoción da igualdade de xénero.

Este foi o cartel co que a alumna Bea Penas, de 2º,  agasallounos para conmemorar esta efeméride.

Imaxe do cartel anunciador

E nós aproveitamos esta data para premiar aos nosos SUPERLECTORES /-AS do curso pasado: Iago e Uxía, de 1º da ESO, leron respectivamente 37 e 36 libros, e Belén, de 3º, 28. NORABOA!

Imaxe dos Siperlectores/-as

15 escritoras con Nobel

Hoxe conmemórase o Día das escritoras, e aproveitando que se están a conceder os Premios Nobel, que mellor que refrescarnos a memoria coas 15 escritoras que acadaron este ilustre premio.

Premios Nobel 2019

Os Premios Nobel son ata o de agora os máis prestixiosos do mundo, pois recoñecen a achega dunha ou varias persoas á totalidade da humanidade.

Estes son os premiados este ano, explicado dunha maneira sinxela:

Créditos das imaxes

Plásticos

A todos dixéronnos que debemos reciclar botellas e envases de plástico. Pero, que lle sucede realmente ao plástico se o tiramos? Emma Bryce rastrexa os ciclos de vida de tres botellas de plástico diferentes, arroxando luz sobre os perigos que estes desechables presentan para o noso mundo.

Iniciamos...

Finalizado o verán, xa temos os corredores xa están cheos de vida co alumnado que continúa e o que chegou novo para comenzar os seus estudos. Nós xa estamos preparadas e co desexo de que as actividades que estamos a preparar vos gusten. Aquí tedes a primeira:

E como agasallo de BENVIDA a este blog da biblioteca,deixámosvos esta marabilla creativa de

Cristobal Vila, onde se aúnan a natureza, a arte, a arquitectura e as matemáticas. Non volo perdades!

Infinite Patterns.

Felices vacacións

            
            e

Hora de ler

Crédito imaxe

RETOS LECTORES (2018/19)

Crédito imaxe 

(A)rroupArte

   Por que estudar a historia da vestimenta? A priori pode parecer un tema superficial, pouco adecuado para analizar na aula, insubstancial e falto de seriedade. Porén, valourouse que o seu estudo permitiría ao alumnado de 1º de BAC profundar na evolución histórica das sociedades. E que mellor que aproveitar os recursos estéticos da arte e da literatura, máis próximos a eles e visualmente máis cercanos á súa realidade virtual. (...)

Preme na imaxe para coñecer este Proxecto na súa integridade

O xardín das Hespérides

      Tocáballe xa á materia de Cultura Clásica un monográfico sobre plantas que nos situase dentro do pensamento mítico ancestral en torno ao mundo vexetal, ao seu simbolismo e ás Metamorfosis de seres humanos.

      Os primeiros científicos de Grecia emprenderon unha catalogación do mundo natural, das súas características e propiedades, pero nunca abandoaron por completo o sentimento máxico de misterio, esa unión enigmática que existe no mundo vexetal entre as plantas e as criaturas ligadas a elas, sempre aberto ao inesperado, ao fabuloso e ao quimérico tamén.

      Os mitos gregos teñen cargado de simbolismos a cultura occidental. A natureza, sempre na base do mito, ten tal carga iconográfica, que xa non pode ser percibida en toda a súa dimensión. A arte e a literatura están colmadas de imaxes míticas, onde cada planta, cada flor, cada árbore ten un significado propio e característico que se escapa da percepción do non iniciado. Outra vez estamos no punto de partida, do mythos ao logos de nuevo, do relato á explicación. O maravilloso, o imprevisible e o monstruoso tamén teñen cabida no mundo natural e, polo tanto, no mito. Nas mans do noso alumnado do Segundo Ciclo da ESO estivo o poder de descubrilo.

Xincana sobre "Libros prohibidos"

Durante a Historia producíronse innumerables casos de prohibición ou censura de libros, chegando mesmo a queima dos mesmos. Que mellor forma de conmemorar este Día do libro con esta xincana que estás a punto de resolver e onde coñecerás algúns títulos que foron ou son aínda rexeitados en moitos países do mundo¡

Só tes que pinchar en cada número ou letra e atoparás as pistas que te axudarná a localizar o libro que está ou estivo censurado. Boa sorte!

GRAN FINAL

ELIMINATORIA:

        1º CICLO DA ESO

        2º CICLO E BAC

E aquí tendes aos gañadores:

Noraboa¡

Día da Terra

Novo Amor - Birthplace (official video) from Sil&Jorik on Vimeo.

Hora de ler

Crédito imaxe

A Química das palabras: Tabla periódica dos "elementos" poéticos

    Nacións Unidas acaba de declarar 2019 como o Ano Internacional da Táboa Periódica. Ao mesmo tempo, a Consellería de Educación lanzaba ás bibliotecas escolares, co lema de Poéticas Diversas, un chamamento a descubrir o fenómeno lírico en todo o que nos rodea.

   Pero, pode ser factible no Día da Poesía conmemorar dúas efemérides nun mesmo espazo e tempo, tratando temas tan, a priori, diferentes como Poética e Química?

   Pois si, xa que Ciencia e Poesía comparten, entre outras moitas cousas, a ansia humana por saber de que está feito o mundo, o coñecemento do visible e o invisible, mesmo a predición do que está por vir. Como dixo George Smoot, Premio Nobel de Física, “Cando vexo unha gran ecuación, como a de Einstein (E=MC2), atopo que algunhas ecuacións son como un haikú, un reducido número de palabras e conceptos que encaixan á perfección.”

   A linguaxe poética non sería un fenómeno estético sen estar composto por elementos ordeados que encerran un número infinito de sentidos. Aínda que, probablemente, neste caso, foi a ciencia a que imitou á arte: a táboa periódica sorprende polo organizada, mellor dito, polo proporcionada, mesmo buscando a harmonía, unha obra mestra, un icono da ciencia e da cultura universais.

   Para rememorala quixemos refundila coa inspiración dos poetas e poetisas que foron libres de expresar a composición do Universo sen a esixencia de ser comprobada nin xustificada por lei algunha nin principio. Non se necesita nada máis que a Química das palabras.

Sen Pi non somos nada

     O Día de Pi celébrase hoxe, 14 de marzo, data que o Congreso de EEUU elixiu no 2009 para homenaxear a este número irracional, con intención de promover as matemáticas e as ciencias na educación. Os parlamentarios escolleron ese día porque a súa escritura en inglés (3/14) coincide co valor da ilustre constante.

     Nós tamén queremos sumarnos a esta celebración. Para isto, podes ver:

ou ben coñecer a Historia:

Contra vento e marea: Mulleres en loita

    A mellor protección que calquera muller pode ter é a coraxe

(Elizabeth Cady Stanton) 

 Setenta anos despois da Declaración Universal dos Dereitos Humanos, as mulleres estamos a ser a avanzadilla da loita pola non discriminación e a lexitimidade que teñen todas as persoas a ser iguais en dignidade e dereitos. Saímos ás rúas, facémonos oír, reivindicamos por aquelas que o teñen prohibido, denunciamos as inxustizas si, pero sempre estamos a conxugar os verbos en presente.

     Habería que preguntarse entón que sería de nosoutras sen as que nos precederon: mulleres sen voz, sen lei, sen partido, sen organizacións, sen redes… A súa loita foi encarnizada e descomunal, porque estaban soas e con todo en contra. Por iso elas son o noso referente, a elas debémoslles o futuro.

    Raíñas, guerreiras, Premios Nobel, artistas, heroínas, a Historia está preñada delas. Mulleres que nunca se rendiron, que pagaron en ocasións coa súa vida por un ideal ou por intentar mellorar o mundo…e que foron esquecidas ou afastadas.

     Por iso dende o IES Xoán Montes reclamamos os seus nomes en MAIÚSCULA. Por todos os nosos alumnos para que as coñezan, e por todas as nosas alumnas para que xamais as esquezan.

Sobre algúns namorad@s dos libros

BIBLIOTECA

"Alguien al ver los libros preguntó
cuál de entre todos ellos
te llevarías a una isla desierta.
Entonces nos supiste responderle.

Pero ahora que estás solo y los contemplas
-soldados de un ejército vencido:
tantos días perdidos en qué búsquedas-
obtienes la respuesta:

Ya vivo en una isla desierta."

Juan Bonilla, Hecho en falta

Este San Valentín pasámolo na biblioteca, con eles: os que nos rouban o soño, os que nos quitan a fame, os que están sempre contigo ás  duras e ás maduras, eles, OS LIBROS. 

Día internacional da Muller e da Nena na Ciencia

     A Asemblea Xeral das Nacións Unidas proclamou, no ano 2015, o 11 de febreiro como Día Internacional da Muller e a Nena na Ciencia. A iniciativa xurdiu como unha ferramenta para animar ás mulleres para entrar en carreiras científicas e tecnolóxicas, visibilizar a contribución das mulleres nestes ámbitos e crear referentes para as novas xeracións.

    En España, desde fai uns tres anos, un grupo de científicas e investigadoras agrupadas baixo a etiqueta do #11 F lanzou un chamamento para que as actividades cheguen a cada vez máis persoas. De aquí a nosa pequena contribución para conmemorar este día, DE PRIMEIRA(-S), mulleres que foron pioneiras no campo da Ciencia e que forma parte do Proxecto documental realizado polo alumando de 1º da ESO o curso pasado.

CIENTÍFICAS

INVENTORAS

Día escolar da non violencia e da Paz

Ano internacional da Tabla periódica

    O 29 de xaneiro de 2019, foi a inauguración oficial do Ano Internacional da Táboa Periódica ( IYPT2019). Tanto a ONU, como a UNESCO, desexan conmemorar o 150º aniversario da ordenación metódica, por primeira vez, dos elementos químicos, conforme ao seu número atómico (número de protones), e a certas características e singularidades dos seus átomos, realizada polo químico ruso Dimitri Mendeléjeff ( Tobolsk, 1834 - San Petersburgo, 1907), en 1869. 

   Por ese motivo ao longo deste ano, van desenvolver diversas iniciativas relacionadas con ela. Nós unímonos a esta conmemoración amosando algúns dos traballos que o noso alumando realizou durante o curso 2017/2018, no proxecto Máis que imaxes. 

   Os elementos químicos, a ciencia en xeral, fanse moito máis aprehensibles cando nos remitimos á orixe da súa nomenclatura. O alumnado sorprendeuse ao ver que etimoloxicamente a táboa periódica aludía a científicos, lugares xeográficos ou personaxes mitolóxicos.

ANTROPÓNIMOS

MITOLOXÍA

TOPONIMIA

Algúns científicos, ao pensar no nome co que bautizar aos novos elementos químicos que se ían descubrindo, foron incapaces de subtraerse á atracción da cor como o seu resgo máis distintivo. Por exemplo, se o cloro recibe ese nome é pola súa cor verde, ou o iodo, que é violeta. (Os nomes desas cores en grego).

Máis información en:

https://www.iypt2019.org/

https://en.unesco.org/commemorations/iypt2019

http://webcast.unesco.org/live/room-01/en

http://www.alonsoformula.com/ezorganikoa/tabla_periodica.htm