Bo Nadal

 

Disfrutade das merecidas vacacións e fas boas LECTURAS¡

Hora de ler

Resultados da primeira avaliación por cursos:

Calendario de Advento

Esta actividade está a ter unha grande acollida entre o alumnado que frecuenta a biblio. Pequenos e non tan pequenos quixeron participar. O calendario só tiña 21 días, xusto os que faltan para que cheguen as vacacións. En cada sobre escondíase unha pregunta relativa á lectura ou os libros que tiñan que contestar para poder levar o doce agasallo.

Xincana

O día 24 de outubro se celebra o Día das Bibliotecas. Este ano o lema elexido é "Bibliotecas: leer, aprender, descubrir". Para celebralo propoñémosvos que participedes nesta xincana. 

 Tomamos como punto de partida o vinilo que decora, desde este curso, o mostrador da vosa biblioteca, obra da artista Sofía Próper. Quizais non vos fixastes nel como se merece. De aquí o noso xogo: tedes que pescudar o título do libro e o seu autor/-a de cada obra que aparece representada, é dicir, 16 títulos cos seus autores/- as. 

 A participación será individual, pero podes pedir axuda á túa familia ou amigos para descubrilos todos. Os tres primeiros participantes que desvelen todos os libros serán recompensados. Iso si, lembra mandarnos as respostas ao correo da biblio - portanona@iesxoanmontes.gal- antes de que finalice o día 1de novembro.

Aquí están as nosas flamantes gañadoras dúas alumnas de 1º de ESO. Noraboa rapazas!

Día das bibliotecas

 

Como xa sabedes, todos os 24 de outubro celébrase o día das bibliotecas. A edición deste ano, baixo o lema "Bibliotecas: ver, aprender, descubrir", céntrase en destacar o papel das bibliotecas de diferente tipoloxía como espazos libres, diversos e abertos para o acceso á cultura e o coñecemento. E, como todos os cursos, aproveitamos este día para agasallar aos nosos tres mellores lectores/as do curso pasado, que descubriron, vaia se descubriron, moitos libros e moitas lecturas. 

Noraboa a Fany, Lúa e Saúl¡

Benvidos/-as¡

"Unha porta é o preludio do que espera dentro dun edificio. Unha porta é un prólogo e un comezo, o principio dun camiño ou o arranque dunha vida (...)" Umbrales, de Óscar Martínez.

Pasen e lean!

Hora de ler (3ª avaliación)

 

Coidadoras de vida

     Nun tempo de pandemia como o que estamos a vivir, toma especial relevancia o coidado da saúde. Desde a BE, conscientes de que o papel do coidade (no fogar, na sanidade, na sociedade en xeral) recae habitualmente nas mulleres,  quixemos investigar, co alumnado de DOC e de ITI, quen son e foron as COIDADORAS DE VIDA: deusas protectoras, sanadoras, curandeiras, enfermeiras, médicas… e a súa posible representación e testemuña na arte e na literatura ao longo da historia. Preme na imaxe para acceder.

Por que a Poesía?

Este ano adícase o Día das Letras Galegas à poeta Xela Arias. Velaquí a nosa forma de conmemorar este día, reciclando poemas ou, o que é o mesmo, tomando prestados versos de diferentes poetas para compoñer un novo que sirva de homenaxe . Grazas ao alumnado de 1º de Bac pola creación deste videopoema e aos escritores/-as dos que tomamos prestados os seus versos!

 Seríades capaces de  descubrilos?

Ciencia por un tubo

"Ninguna ciencia en cuanto a ciencia, engaña; el engaño está en quien no la sabe" (M. de Cervantes)

    Ás veces adoitamos asociar o Día do libro coa literatura de ficción e esquécellenos que hai outro tipo de literatura, a científica, da que, nestes tempos que non está a tocar vivir, estamos tan necesitados. 

Este curso queremos visibilizar este tipo de libros de divulgación científica, que tamén ocupan os nosos andeis , libros que , non sabemos ben por que motivo, atraen a moi poucos lectores. Para isto, no vestíbulo pode verse  ese ADN  construido con 174 cubertas de libros de todas as ciencias puras ou aplicadas. 

Sirva iso como pequena homenaxe a todos eses homes e mulleres que levan a cabo o seu traballo en condicións tan precarias e aos /as que debemos tanto.

Asemade, e coa colaboración das profes de Cultura científica (Belén) e de TIC (Marta), propúxoselles ao seu alumnado que lese algún destes libros e que realizase un  booktráiler para promocionar a súa lectura.

E estes son os finalistas para optar ao premio:

Moitas grazas pola vosa colaboración!

Hora de ler : segunda avaliación

Por que a auga é unha das cousas máis raras do Universo

Alok Jha, xornalista científico autor de "O libro da auga", explica neste vídeo da BBC por que a auga é un elemento tan incriblemente estraño.

Día da poesía

Pasapalabra : De muller a muller

Son moitos os proxectos que dende a Biblioteca teñen como eixe a igualdade. Hoxe, para conmemorar este Día da Muller, traémosvos este Pasapalabra como un xeito de homenaxear a todas aquelas mulleres que, dende moitos ámbitos, construiron as bases da igualdade entre homes e mulleres. A todas elas, as que podemos recordar e as que o tempo sepultou ou ignorou, ás presentes, ás que veñan... Realmente, cantas destas serías capaz de recoñecer? Anímate, participa e mándanos as túas respostas ao correo da biblio.

 

Títulos con Amor

Que estrano resulta todo cando non podemos estar xuntos¡ Que raro non poder celebrar o San Valentín como todos estes cursos onde a biblioteca estaba a rebosar, sin aforos limitados sen manter esa distancia obrigada¡ Cantas actividades, cantos sorrisos, canta felicidade...¡ Por iso, nesta ocasión, optamos por achegaros esas portadas de libros que rezuman AMOR. Todos estes e moitos máis podedes collelos na biblio, porque, si, a Biblio segue coas portas abertas.

Como todos vos, tamén desexamos que isto se acabe pronto e poidamos volver a celebralo xuntos, pero que moi, moi XUNTOS.

Mentras tanto, desfrutade:

 

Día da muller e das nenas na Ciencia

Hoxe 11 de febreiro é unha xornada na que se recupera o traballo das mulleres na Ciencia. É unha forma de visibilizar o traballo que levaron, levan e levarán as mulleres e tamén é unha forma de acabar con ese cliché de que os rapaces son de ciencias e as rapazas de letras. E para mostra aquí tedes o traballo de investigación que fixo o alumnado de 1º da ESO:

Tamén podedes achegaros a biblio e levar un destes libros que seleccionamos:

Retomanía