sábado, 23 de decembro de 2023

Bo Nadal¡

 Estamos de vacacións¡

Capitel románico de Sant-Lazare (Francia), Maestro Gislebertus, s./XII.

 Vémonos de novo o día 8 de xaneiro, cando ás súas maxestades tóquelles descansar.

venres, 17 de novembro de 2023

Gran xincana científica

Desde a Consellería de Cultura, Educación, Formación Profesional e Universidades, en colaboración coa Secretaría Xeral de Política Lingüística, vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS. por este motivo, o equipo da biblioteca elaborou esta xincana científica na que poden participar todo o alumando dos tres primeiros cursos da ESO. Tedes que contestar correctamente a todas as preguntas. Gañarán as tres persoas que o fagan ben e no menor tempo posible. Manda as túas respostas ao correo da biblio. Ánimo!

mércores, 25 de outubro de 2023

Relatos de terror

Se estás interesado/-a en participar, só tes que continuar un destes relatos .
Podes entregalo na biblio ou ben mandalo a nosa dirección de correo: portanona@iesxoanmontes.gal A data límite será o día 10 de novembro. Haberá 3 arrepiantes premios¡ 

 Xa temos os tres relatos gañadores:

  Parabéns a Lucía, Jimena e Martina!

martes, 24 de outubro de 2023

Día das bibliotecas 2023

  Dende 1997 celébrase o Día das Bibliotecas o 24 de outubro. O lema deste ano, "Tecendo Comunidades", pretende destacar o papel fundamental que desempeñan as bibliotecas na construción de lazos fortes dentro das nosas comunidades.

 
 Unha biblioteca non é só un edificio cheo de libros: son corazóns palpitantes dentro das nosas comunidades, son espazos de encontro e diálogo. O Día das Bibliotecas pon en valor o traballo que realizan todas as bibliotecas españolas, de todas as tipoloxías (públicas, escolares, universitarias, especializadas e nacionais/rexionais), para conectar aos seus usuarios, crear redes de apoio e colaboración, fomentar a participación e o diálogo cidadán, facer accesible a cultura e o coñecemento a toda a poboación, independentemente da súa idade, xénero, raza ou lugar de residencia.


E como vén sendo habitual,  o equipo da biblioteca aproveita esta efeméride para entregar  un agasallo aos seus mellores lectores: Parabéns!


Benvidos/-as a un novo curso¡


xoves, 1 de xuño de 2023

Perseguidos polas furias

    A Antiga Grecia é o berce da nosa civilización actual. A orixe do pensamento e da cultura grega sustentaron as bases da nosa civilización creando un entramado social, pedagóxico e transcendental. Pero serían os mitos os que máis contribuirían, e de maneira especial, a esa educación que xa forma parte do noso acervo cultural. 
   Os mitos estaban presentes no imaxinario formativo da Antiga Grecia. Explicaban as orixes do mundo e detallaban as aventuras de deuses, heroes e outras criaturas mitolóxicas. Pero un tanto por cento moi elevado deses relatos son violentos e as mulleres levan a peor parte. Na sociedade grega, tamén o mito convértese nun instrumento de educación e adoutrinamento, rexeitando situacións extremas como os suicidios, os parricidios ou a violencia familiar. Deste xeito, as institucións non só recorren ao mito para dar maior forza e credibilidade, senón que as narracións convértense por si mesmas en fonte de elementos simbólicos que se gardan na memoria de cada pobo.

 

domingo, 21 de maio de 2023

Vivir os libros

 Este venres participamos, co alumnado dos Clubs de Lectura de 2º de ESO e 1º de BAC, na Feira do Libro. Os libreiros, con moita paciencia e empatía, permitiron unha cercanía entre o lector e o os exemplares expostos, respostaron as súas preguntas e aconselláronlles novidades editoriais, temas e formatos. Así a rapazada puido mercar libros para eles, pero tamén elixiron lecturas para que o Centro as mercara e ampliaran os fondos da Biblioteca.

 

Ademais, tanto eles coma nós, puidemos disfrutar da actividade musical,  A historia do rock’n roll en 45 minutos: de Elvis a Nirvana,  de Jacobo de Lope. Todo un éxito¡ 

Ambas artes permitíronnos desfrutar dunha mañá plena de arte e sensibilidade.


sábado, 20 de maio de 2023

A volta ao mundo en 80 libros


"Foi un dos socios do selecto Reform Club de Londres, Andrew Stuart, quen lanzou o reto: “Pois ben, fágao”. O interpelado respondeu sen distraer a súa atención da partida de whist: “A volta ao mundo en oitenta días? Deseguido”. E Phileas Fogg partiu esa mesma noite, tomou o tren do 20.45 rumbo a Douvres."
 E nós recollemos a luva : que mellor modo de homenaxear o 150 aniversario da publicación da novela de Julio Verne e do mes do libro? O reto é realizar unha viaxe tomando como punto de partida os libros, exactamente 80, a través de pequenas biografías, imaxes do espazo novelescos reais ou imaxinarios e comezos de libros de todos os tempos e continentes, nun tempo limitado desde o 23 de abril ata o 17 de maio.

Expuxemos o percorrido:


E  moitos viaxeiros subíronse ao globo e iniciaron  o seu periplo a libros descoñecidos.


Rematado o prazo, e mentres estamos a revisar os tacógrafos para determinar quen completaron o percorrido, aquí atoparedes  os autores/-as e os títulos dos libros que conformaron a noso reto deste curso. 
 

mércores, 19 de abril de 2023

Encontro con Emma Pedreira

    

Emma Pedreira, filóloga, poeta e escritora, trouxo “A maleta azul dos libros raros”. Dela saíron libros redondos, panos, barallas, casas, miniaturas… que nos abríron os ollos á posibilidade de contar historias nun sin fin de formatos. 
   Ás veces, non son necesarias as palabras, só a capacidade de ler. Os obxectos poden relatarnos as lembranzas da familia, formas de vida (pensemos nese libro-casa tan marabilloso!) doutras culturas e tempos, épocas de represión, de liberdade, cartas-poesía, de amor… En definitiva, a demostración de que calquera peza, non só os libros, poden conlevar un relato, en moitas ocasións subxectivo. E todo isto metido dentro dunha maleta!
      Moitas grazas, Emma.¡

mércores, 12 de abril de 2023

Torneo de Xadrez


 Non sabemos moi ben por que pero este curso espertouse a febre do xadrez. Taboleiros que levaban durmidos na biblio en espera de xogadores/-as, agora convertéronse en estrelas: todos os recreos hai unha peregrinación para poder collelos os primeiros. 

Por esta razón propuxémoslles facer unha liga, un torneo e, obviamente, foi un éxito. E aquí están os nosos flamantes gañadores en cada unha das súas categorías: Yoel e Pablo. Parabén!



martes, 21 de marzo de 2023

Canción ou poema? Reto

 Gústache a poesía? Les poemas? Estamos case seguras de que a resposta maioritaria sería: NON. As razóns para que isto non suceda poden ser múltiples:é aburrida, ridícula, difícil, non a entendo…

Pois ben, pretendemos demostrarche que isto non é así, porque estamos seguras de que escoitas cancións, e seguro que che sabes de memoria moitas letras. É dicir, ESCOITAS poesía, porque o único que separa a letra dunha canción dun poema é unha fina liña, para ser precisas, son cinco as que separan unha canción dun poema. 

E aquí é onde che lanzamos un “reto”: le o contido de cada recadro e cobre esta táboa poñendo unha cruz, indicando se é un poema ou a letra dunha canción. Non se trata de que as busques na internet- iso pódelo facer logo, se che apetece- . 

Oxalá que ao final, e despois de ver os teus resultados, convenzámosche de que ler poesía non é nin ridículo, nin difícil, nin aburrido. 


martes, 7 de marzo de 2023

Iluminando o universo feminino

Este curso queremos "dar luz" a ese cielo escuro que enmarca a nosa muralla con una escolma dos proxectos que ao longo destes anos foron a noso foco: dar visibilidade ás mulleres que permanecían agochadas na "materia escura".


martes, 21 de febreiro de 2023

(Des)amores (im)posibles

Estes son os relatos gañadores de o certame literario, no que estabamos na procura dunha historia de (des)amor que non estivera protagonizada por persoas ou animais. Grazas a todos/-as por participar e parabéns a Sandra, Álvaro e Carla¡

 

 
 Asemade, aquí tendes una pequena mostra do acontecido na nosa "Citas a cegas...cun libro", que coma sempre tivo unha excelente acollida

mércores, 8 de febreiro de 2023

Na procura da científica perdida

Hoxe conmemórase o Día internacional da muller e da nena na Ciencia. Para celebralo podedes participar nesta xincana na que tendes que atopar a esas 20 mulleres, relacionadas coa ciencia e a tecnoloxía. Para isto, é importante que vos fixedes atentamente nas imaxes. Toma notas, faite preguntas, busca as respostas e lembra que queremos saber o seu nome e o seu descubrimento. Cando as teñas, fainos chegar as túas conclusións ao correo da biblio antes do día 20 de febreiro. Posteriormente, daremos a coñecer aos/ás tres gañadores/-as.