xoves, 21 de decembro de 2017

Escape room: (A)salteadores de cadros IV

Os teus perseguidores atoparon a forma de (a)saltar o cadro e ti chegaras a crer que tiñas superpoderes. Abres a porta e...
Onde estou agora? Que fago aquí no medio de toda esta xente que vai e vén ? E ese Papá Noel? Claro, está a chegar o Nadal e sigo encerrado neste lenzo. Necesito volver a casa xa. Pero...aí están? Debo esconderme outra vez...

O teu equipo e ti deberedes resolver todas as pistas se queredes chegar celebrar o Nadal en casa


domingo, 10 de decembro de 2017

Día internacional dos Dereitos Humanos

O Día dos Dereitos Humanos celébrase cada 10 de decembro, coincidindo coa data en que a Asemblea Xeral adoptou a Declaración Universal de Dereitos Humanos, en 1948.
Decía Eleanor Roosevelt: «En definitiva, onde empezan os dereitos humanos universais? En pequenos lugares, preto de casa; en lugares tan próximos e tan pequenos que non aparecen en ningún mapa. [...] Se eses dereitos non significan nada nestes lugares, tampouco significan nada en ningunha outra parte. Sen unha acción cidadá coordinada para defendelos na nosa contorna, a nosa vontade de progreso no resto do mundo será en balde».

Tomade boa nota! Propómosvos un xogo: saberiades descubrir entre todas estas imaxes que representan a persoas reais quen dedicaron e dedican a súa vida loitando polos dereitos de todas as persoas? Se vos animades, deixádenos a resposta nun comentario.
Esta actividade realizouna un grupo de alumnas/-as de 1º da ESO


mércores, 29 de novembro de 2017

Escape room: (A)salteadores de cadros II

Descubríronte. Pretenden roubar o cadro para levarche con eles. Tes que fuxir! Ves a porta , ábrela e...
Que é isto? Que fai toda esta xente reunida? Polo menos aquí pasarei desapercibido entre este tumulto e será difícil que me localicen. Festa, isto é unha festa. Están a celebrar o Samaín? Non me podo distraer. Teño que atopar a saída para volver á miña vida real.

Ti e o teu equipo deberedes traballar xuntos para atopar a porta que vos leve á saída


sábado, 25 de novembro de 2017

Día contra a Violencia de Xénero

Hoxe non é un Día para conmemorar nada. Mal asunto éste de días no ano no que parece que antes e despois non acontecera nada. Se voltamos a vista atrás, atopámonos con isto

Powered by emaze
        ou con isto:
Entenderedes que non hai nada que celebrar. Isto é unha protesta contra os que matan, agreden, humillan ou vexan ás mulleres en todo o mundo.
O que precisamos con urxencia é de unha boa educación, Educación en igualdade, para non ter que explicar ás rapazas isto:




Ou isto:
Conductas que albergan violencia
Claves para detectar el ciberbullying
Decálogo para prevenir o ciberacoso entre xoves
A violencia contra as mulleres no mundo en cinco mapas
Con ela empezou todo
GPS e ‘big data’ para escapar do teu agresor
Que son a violencia e os abusos contra as mulleres en internet?


Se te achegas pola biblio, atoparás esta escolma de libros que tratan desde tema:

venres, 24 de novembro de 2017

Galiciencia 2017

Como xa sabedes GALICIENCIA é unha feira científica que se celebra, desde 2007, en Ourense, os días 22, 23 y 24.

Pois ben, este ano as nosas docunautas están alí para expoñer o noso proxecto interdisplinar que se realizou, durante o curso pasado, polo alumnado desde 1º da ESO ata 2º de BAC.


Preme na imaxe

 Alí están Ana e Antía,   e cóntannos que están encantadas e marabilladas do que alí acontece.



 Nós estamos encantadas e orgullosas do traballo feito e e animámosvos a seguir investigando. Noraboa, rapaces!

xoves, 16 de novembro de 2017

Día internacional do Patrimonio

Hoxe é o Día internacional do Patrimonio. Pero... Que é "patrimonio", pois neste caso defínese como o "Conxunto de cousas materiais ou inmateriais de certa antigüidade e importancia recoñecida, pertencente a unha colectividade". E de "colectividade" imos falar, porque está claro que quere dicir que nos pertence a todos e polo tanto merece que o cuidemos e respectemos para que xeracións vindeiras poidan coñecelo porque, entre outras razóns,  forma parte da nosa Historia. 
A pouco que nos paseemos pola nosa cidade - que é Patrimonio da Humanidade pola nosa Muralla- podemos observar que moitos monumentos  están en pésimas condicións polas agresións de todo tipo: só hai que dar unha volta pola muralla ou pola rúa Aguirre para decatarnos.
Para conmemorar esta data, convidámosvos a facer este Roteiro escultórico lugués- feito polo alumando de 1º da ESO- para que tomemos conciencia- TODOS- do que temos e eduquemos á rapazada no respecto do que é noso.
Disfrutade da andaina:


16 N: Día da Filosofía entre filósofas

Durante séculos, en todas as culturas, a filosofía deu a luz conceptos, ideas e análises que sentaron as bases do pensamento crítico, independente e creativo. E as mulleres contribuiron e contribúen a forxar un pensamento crítico e independente.  Eiquí podedes afondar nas súas biografías e obras.


venres, 10 de novembro de 2017

Viaxe ao interior dunha librería

E se por un momento convertésemosnos en libros,,, Realmente sabemos cal é o proceso desde que alguén decide plasmar os seus pensamentos, emocións ou ficcións ata que chega ás nosas mans; coñecemos cantas persoas traballan ao redor dun libro: autores, editores, impresores, distribuidores, libreiros e bibliotecarios?
Para celebrar o Día das librarías, chegounos de TRAMA esta proposta: unha viaxe ao interior da libraría para que o alumnado de primeiro da ESO coñecese de primeira man que sucede cos libros desde que chegan ao seu establecemento ata que se venden.
Previamente, aproveitamos para explicarlles a Historia do libro e o proceso de fabricación dun libro ata que chega ás librarías.
O día acordado fómonos de "excursión" unha excursión estraña, porque foi gratis e  moi sa non só para o corpo senón tamén para a mente. Que ocorreu ? Documentámolo todo aquí:


A viaxe encantoulles : aprenderon , andaron polos espazos que están vedados e tiveron a honra de coñecer a un autor que escribe libros para nenos, José Campanari, quen lles  contou


E nós que podemos facer? Levar aos rapaces ás librerías , ás bibliotecas e DEIXALOS LER!

martes, 31 de outubro de 2017

Especial Samaín

Aquí tendes unha pequena selección de curtas para que pasedes un día terrorífico:













Para celebrar este día, a NASA fixo unha compilación de "sonidos" que fan os planetas. Escoita:



Agora pon a proba o teu coñecemento das películas de terror clásicas do cine. A continuación móstranse 12 iconas centrais para 12 dos grandes de todos os tempos. Sabes en que películas atópanse estas?

mércores, 25 de outubro de 2017

Escape room: (A)salteadores de cadros I


Estanche a seguir. Oes como se aproximan as pisadas. Ves a mansión baleira. Rompes a xanela. Entras na biblioteca. Agóchaste. Os latexos do teu corazón vante delatar. Ves o cadro e, ironías da vida, o neno está a facer o mesmo ca ti. Cambiaríaste por el. 
Ei... que fago aquí, quen é esa nena, que fago nesta habitación con estas roupas e sen o meu móbilllllllll.”

Ti e o teu equipo deberedes traballar xuntos para atopar a porta que vos leve á saída

luns, 23 de outubro de 2017

Día das bibliotecas, 2017

     "    - Abdelkader - anunció el albacea-, tú eres el elegido.
Haidara recibió la noticia con un atónito silencio. A pesar de ser el más estudioso de los doce hermanos, de leer y escribir en árabe con fluidez y de haber mostrado desde siempre su fascinación por los manuscritos, no podía imaginarse que su padre confiaría el cuidado de la biblioteca a alguien tan joven.
     - No podrás donar los manuscritos ni venderlos- dijo el albacea enumerando sus obligaciones- , y tendrás la obligación de preservarlos y protegerlos.
Haidara no sabía con certeza lo que implicaría su nuevo papel y le preocupaba no estar a la altura del trabajo requerido. Solo sabía que se trataba de una gran responsabilidad"
Los contrabandistas de libros, de Joshua Hammer

Sirva esta cita como homenaxe a todas laas persoas que ao longo dos tempos fixeron e fan  posible a existencia das bibliotecas. Si, é unha gran responsabilidade e moito traballo, pero paga a pena facelo.  Son moitos os libros que falan de bibliotecas, pero recomendamos estes  dous.

Sirvan eles para celebrar o Día das bibliotecas.

E como xa é tradición, aquí temos aos nosos SUPERLECTORES - Carmen, Abraham e Steven- do curso 2016/17. Noraboa, rapaces!


E, por suposto, algunhas recomendacións lectoras:


domingo, 17 de setembro de 2017

Comezamos

Despois dun largo e cálido verano, con moitas lecturas

abrimos as nosa porta e damos a benvida a todos e, especialmente, aos que vos incorporades ao noso Centro.


Vimos cargadas de moitas ideas que, pouco a pouco, iredes coñecendo.

E para ir abrindo boca,




 xa podedes vir a anotaros para formar parte dos nosos Clubs de lectura. Lembrade que o prazo rematará o 30 de setembro.

venres, 30 de xuño de 2017

"Máis que imaxes, Proxecto documental

    O noso Proxecto de Investigación  (curso 2016-201/), que implicou ao alumando de todos os niveis -dende 1º da ESO ata 2º BAC- partiu dunha conmemoración: o lanzamento da sonda Voyager en 1977. Nela ía un disco que contiña unha chea de símbolos que representan aos humanos, no hipotético caso de que atopase vida extraterrestre. Pois ben, O SÍMBOLO constituiuse no fío conductor de todos estes traballos que saen a luz. Foron moitos meses de dura investigación, pero cremos que esta "viaxe simbólica" mereceu a pena. Enhoraboa a todos/-as os/-as participantes!
Preme na imaxe e accederás:

venres, 23 de xuño de 2017

E ao volver a vista atrás...

Rematou o curso e con el chegan as vacacións. Foron moitos meses de intenso traballo para todos. O Equipo da Biblio deséxavos un merecido descanso e boas lecturas, porque nós aínda estaremos por aquí por se queredes...



ATA O VINDEIRO CURSO...

venres, 28 de abril de 2017

Cóntame un cadro

Xa se coñecen ás tres gañadoras do concurso literario, para o Primeiro ciclo da ESO, "Cóntame un cadro", Jenny e Sonia, de 1º e Raquel, de 2º. Noraboa ás tres, e moitas grazas a todos os participantes.

sábado, 22 de abril de 2017

Face & Books no Día do Libro

"A veces volvemos a las páginas
donde una vez fuimos felices.
Es tan fácil como dejar que corran
hacia atrás entre los dedos,
volver a las marcas que dejamos,
a esas breves notas con las que
quisimos indicar a otro lector
que allí debiera detenerse.





Basta con buscarlas para ver
que ya no son las mismas:
algo ha cambiado en este corto
intervalo en que nos fuimos.


Volver es otra forma de medir
la magnitud incierta de la herida."

Alfonso Brezmes, DON DE LENGUAS

luns, 20 de marzo de 2017

PoemARTE

  Afirmaba o venres nos Encontros de BE Antonio García Teijeiro que "a poesía non se ensina, fíltrase", nós imos mesmo un pouco máis aló: a poesía non é un problema que haxa que resolver, nin unha incógnita que haxa que despexar. A poesía é a letra desa canción que aprendes e repites só se che chegou ao corazón, se che emocionou, se a sentiches tanto que é coma se fose túa. E todo isto se falamos dos poemas/cancións doutros. E se conseguísemos que eles/elas se acheguen a este xénero literario tan esquecido e deostado en forma de "poetas en cernes"?
   Pois ben, aquí están estes poemas colectivos escritos tomando como punto de partida eses cadros, cuxo título e autor ignoraban. Foron unhas clases diferentes, sen dúbida, e o resultado final... valórenlo vostedes.


Powered by emaze

mércores, 8 de marzo de 2017

Mulleres simbólicas

Ao longo destes anos, son moitas a mulleres que visibilizamos: Mulleres que deron a nota, Mulleres con valor, Mulleres tras as liñas, Bocas seladas. Este curso o alumnado de 1º de BAC de Lit. Universal acheganos a estas Mulleres simbólicas, unha escolma de personaxes literarios que ao longo de todos os tempos serviron de espello onde mirarse as sociedades. Noraboa polo voso traballo!

Powered by emaze

venres, 17 de febreiro de 2017

Xincana de cine romántico

Xa coñecemos aos gañadores da xincana celebrada o Día de San Valentín:


Pablo Novo e Andrea García, 10 acertos
Jacobo Fariñas e Hugo Castro, 7
Alba Piñeiro e Alejandra Teodoro, 7
Ana Rguez e Carmen Peñalver, 6
Abraham Pena e Silvia Ouro, 5
Carlota Varela e Celia Veiga, 4



Noraboa aos premiados!

xoves, 16 de febreiro de 2017

Pasión polos libros

En ocasións, a nosa relación cos libros é semellante á mesma que temos con algunhas persoas: escollémolas ou refugamos en función do seu volume, o seu peso, a súa cor, o que outros nos contaron ou criticado, a súa idade, a súa lonxitude, a súa popularidade,.. E si lles désemos unha oportunidade nunha "Cita a cegas"? Esa foi nosa proposta para este Día de San Valentín e as nosas expectativas víronse sobradamente cumpridas, pois foron moitas/volos que achegaron a compartir mesa e mantel cun libro descoñecido. Grazas a todos/-as pola vosa acollida e disfrutade da lectura!


 

domingo, 29 de xaneiro de 2017